මිලින වූ මල්දම් අතර වූ ගෙත්තම්

ලියන්නට එක පද වැලක් ඔබේ හුස්ම පොදෙහි 
බිය වැදුණු හදවත එක්තැන් කොට 
ජීවිතය ජිවත්කරන්නාවූ බලාපොරොත්තුවකට 
එක මොහොතකට දුන්නාවූ ඉඩකඩෙහි ......

ලන්තෑරුම් එලියට දිවයන කණාමැදිරි 
නොනිදන නිහඩබව යටපත්කර 
අදුරට පෙම් බදින රැහැයි රෑන 
සිත්තම් කරනා ගෙත්තම අදුරට පමණක්මද ....?

නොසන්සුන් වුවද නිසොල්මන් නොවන 
හැගීම්බර වූ පෞවුරුෂත්වයේ යටගියාව 
සනිටුවන් කිරීමට දියවන්නාවූ ගල් පිළිමය 
නිරායාසයෙන්ම ලියලනු නොඅනුමානය .....

හදවතෙහි කොනක හෝ එක් ලේ බිදක 
පැවතියේනම් ආදරයට වූ අනුකම්පාවක් 
රුදුරු නොවනු ඇත ප්‍රේමයේ විලාපයන් 
ඝන අදුරට පමණක් පෙම් බැදුමට .....

මිලින වූ මල්දම් අතර වූ ගෙත්තමින් 

සිත්රුවනෙහි යහන්ගැබට පුළුන් රොදක 

මිහිරියාව අමතක වීමට තරම් 

සිතක් වුයේද පෙනෙන නොපෙනෙන .....